HYFFORDDIANT RHAD AC AM DDIM – Y Darlun Ehangach: Gweithio gyda Phlant a Theuluoedd yng Nghymru
Trefnwyd gan:Children in Wales15 Chwefror 2017, Bangor – Archebu Ar-lein
Nod y gweithdy tair awr yma yw cefnogi gweithlu aml-asiantaeth a thraws-sectorol sy’n fwy gwybodus ac ymgysylltiedig i gyflwyno Polisi Llywodraeth Cymru.
Bydd y sesiwn hyfforddiant yn cefnogi pobl o amrediad eang o sefydliadau i ddeall fframwaith deddfwriaeth a pholisi penodol Cymru i blant a theuluoedd sydd wedi datblygu o ganlyniad i ddatganoli cynyddol rhag San Steffan. Bydd y sesiwn yn ystyried deddfwriaeth bresennol Cymru mewn perthynas â phlant a theuluoedd, polisi a strategaethau Llywodraeth Cymru ar faterion sy’n cynnwys sut mae Hawliau Plant yn cael eu sicrhau drwy fentrau ar dlodi, iechyd, gofal cymdeithasol ac addysg plant. Bydd y cwrs yn edrych ar Raglen newydd Llywodraeth Cymru ar gyfer y Llywodraeth, yn ogystal â mentrau fel Teuluoedd yn Gyntaf, Dechrau’n Deg, Cymunedau’n Gyntaf a Chymorth Integredig i Deuluoedd gan ystyried rolau a blaenoriaethau sectorau gwahanol sy’n ymwneud â darparu’r rhaglenni hyn a’r heriau mae pawb yn eu hwynebu.
Canlyniadau Dysgu
Bydd y cyfranogwyr:
- Yn cael trosolwg o’r cyd-destun gwleidyddol a’r prosesau sy’n llywio polisi yng Nghymru
- Cael crynodeb o’r Rhaglen Lywodraethu newydd ar gyfer 2016-2021
- Yn dysgu am bolisi a strategaethau Llywodraeth Cymru sy’n berthnasol i blant a phob ifanc
- Yn deall y blaenoriaethau cenedlaethol ar gyfer gwasanaethau i blant a theuluoedd
- Yn edrych ar sut mae eu sefydliad hwy a’u meysydd gwaith allweddol yn cyd-fynd â’r prif feysydd polisi mewn perthynas â phlant, pobl ifanc a theuluoedd.
Pwy yw’r gynulleidfa darged?
Ymarferwyr, Rheolwyr a Gwneuthurwyr Polisi o bob sector a phob corff sy’n awyddus i ystyried sut mae eu maes gwaith hwy yn ffitio i mewn i ddarlun ehangach polisi plant a theuluoedd yng Nghymru. Bydd yn helpu cyrff i baratoi am newidiadau sy’n cael eu rhagweld ac i weithredu’n effeithiol o fewn cyd-destun aml-asiantaeth.
*NODWCH: I SICRHAU EIN BOD YN CAEL CYNRYCHIOLAETH TRAWS-SECTOR YM MHOB GWEITHDY, GALLWN GYNNIG DAU LE I
FOB SEFYDLIAD*
** CANSLO**
Mae’r digwyddiad hwn am DDIM, ond bydd angen i’r rhai sydd wedi bwcio lle ond ddim yn troi i fyny dalu £50. Gallwch ganslo i fyny at ddeuddydd
cyn y digwyddiad. Rydym bob amser yn barod i dderbyn newid enw ar fyr
rybudd os bydd y cyfranogwr gwreiddiol yn gorfod canslo.