HYFFORDDIANT RHAD AC AM DDIM – Rhoi Cyfranogiad ar Waith
Trefnwyd gan:Children in WalesDydd Iau, 14 Gorffennaf 2016; 1:30yp – 4:30yp, Caerdydd
Bydd y gweithdy’n edrych ar gyfranogiad a’r berthynas rhyngddo a CCUHP a deddfwriaeth yng Nghymru megis y Mesur Hawliau Plant, y Mesur Plant a Theuluoedd, Deddf Gwasanaethau Cymdeithasol a Llesiant a Deddf Cenedlaethau’r Dyfodol. Bydd y sesiwn yn archwilio ffyrdd ymarferol o gyflwyno cyfranogiad a’r sgiliau sydd eu hangen i ymgysylltu’n ystyrlon â phlant a phobl ifanc.
Canlyniadau Dysgu
Bydd y Cyfranogwyr yn:
- Deall Cyfranogiad a sut mae’n galluogi Hawliau Plant
- Archwilio Cyfranogiad a’i Fframwaith Cyfreithiol
- Caffael sgiliau ymarferol ar gyfer cynnwys plant a phobl ifanc
Ar gyfer pwy mae wedi’i fwriadu?
Ymarferwyr, Rheolwyr a Llunwyr Polisi o bob sector a phob sefydliad sy’n awyddus i archwilio sut mae eu maes gwaith yn cydweddu â darlun ehangach polisi plant a theuluoedd yng Nghymru. Bydd yn helpu sefydliadau i baratoi ar gyfer newidiadau a ragwelir ac i weithredu’n effeithiol mewn cyd-destun amlasiantaeth.
Mae’r hyfforddiant ar gael AM DDIM ac wedi’i gyfyngu i 2 gyfranogwr o bob sefydliad.
I archebu lle yng Nghaerdydd, cliciwch YMA
**CANSLO**
Digwyddiad AM DDIM yw hwn, ond codir tâl o £50 ar gynrychiolwyr sydd ddim yn dod ar ôl cadw lle. Bydd modd i chi ganslo hyd at 2 ddiwrnod cyn y digwyddiad, a byddwn ni bob amser yn derbyn dirprwy os bydd y cyfranogwr a enwyd yn methu dod ar fyr rybudd.