Adolygiad Diogelu Unedig Sengl
Nod yr ADUS yw creu un broses adolygu sy’n ymgorffori dull gweithredu amlasiantaethol pan fodlonir y meini prawf ar gyfer un neu ragor o’r adolygiadau canlynol:
- Adolygiad Ymarfer Oedolion (boed yn gryno neu’n estynedig);
- Adolygiad Ymarfer Plant (boed yn gryno neu’n estynedig);
- Adolygiad Lladdiad Domestig;
- Adolygiad Lladdiad Iechyd Meddwl;
- Adolygiad Lladdiad ag Arf Ymosodol24;
Nod yr ADUS yw:
- osgoi’r angen i deuluoedd gymryd rhan mewn cylch beichus a phoenus o roi gwybodaeth ac aros am ganlyniadau sawl adolygiad;
- sicrhau bod testun yr adolygiad a’u teuluoedd yn ganolog i’r broses;
- defnyddio’r wybodaeth a’r gwersi sy’n deillio o broses yr Adolygiad i greu newid cadarnhaol yn ymarferol er mwyn atal niwed yn y dyfodol;
- darparu cymorth cenedlaethol i’r Byrddau Diogelu sy’n cyflawni rôl gydgysylltu/ weithredol i oruchwylio’r broses o’r dechrau i’r diwedd drwy’r Hwb Cydgysylltu;
Gellir dod o hyd i’r ffurflen atgyfeirio Yma
NODER MAI DIM OND GWEITHWYR PROFESIYNOL Y GALL ATGYFEIRIADAU GAEL EU CYFLWYNO
Adolygiadau Ymarfer Plant
Mae’r meini prawf ar gyfer adolygiadau ymarfer plant/oedolion wedi’u nodi yn Rheoliadau Byrddau Diogelu (Swyddogaethau a Gweithdrefnau) (Cymru) 2015. Daeth y trefniadau i rym ar 6 Ebrill 2016. Diben adolygiad yw nodi’r hyn a ddysgir ar gyfer ymarfer yn y dyfodol. Mae’n cynnwys ymarferwyr, rheolwyr ac uwch swyddogion wrth archwilio manylion a chyd-destun gwaith asiantaethau gyda phlentyn a theulu.
Mae gwybodaeth am Adolygiad Ymarfer Plant Gwynedd ar gael: YMA
Adolygiadau Ymarfer Oedolion
Cynhelir Adolygiadau Ymarfer Diogelu Oedolion ar ran Bwrdd Diogelu Oedolion Gogledd Cymru. Maent yn ffordd i bob asiantaeth bartner nodi’r gwersi y gellir eu dysgu o achosion Diogelu Oedolion arbennig o gymhleth neu anodd ac i roi newidiadau ar waith i wella gwasanaethau yng ngoleuni’r gwersi hyn.
Dylid cyflwyno ffurflenni drwy Uned Fusnes y Bwrdd Diogelu: Regionalsafeguarding@denbighshire.gov.uk
Adroddiadau, Canllawiau, Protocolau a gwybodaeth arall
Protocol Adolygiad Ymarfer Oedolion
Datblygwyd y protocol hwn i egluro trefniadau Adolygiadau Ymarfer Oedolion ardal Bwrdd Diogelu Oedolion Gogledd Cymru.
Cynulleidfa: Adults
Dyddiad ychwanegu: 05/12/19
AYP/AYO Digwiddiadau Dysgu
Child/Adult Practice Reviews – What is a Practitioner Learning Event?Adolygiadau Ymarfer Plant/Oedolion – Beth yw Digwyddiad Dysgu i Ymarferwyr?
Cynulleidfa: Children, Adults
Dyddiad ychwanegu: 05/12/19
Adolygiadau Ymarfer Plant
Datblygwyd y protocol hwn i egluro trefniadau gwaith ar gyfer Adolygiadau Ymarfer Plant yn ardal Bwrdd Diogelu Plant Gogledd Cymru.
Cynulleidfa: Children
Dyddiad ychwanegu: 15/10/19
Adolygiadau Ymarfer Oedolion Amlasiantaethol
Mae’r canllawiau hyn yn nodi trefniadau ar gyfer adolygiadau ymarfer oedolion mewn bwys lle gwyddys neu lle amheuir bod achos o gam-drin neu esgeuluso oedolyn sy’n wynebu risg wedi digwydd.
Cynulleidfa: Adults
Dyddiad ychwanegu: 15/10/19
Adolygiadau Ymarfer Plant
Mae’r canllawiau hyn yn nodi trefniadau ar gyfer adolygiadau ymarfer plant amlasiantaethol mewn amgylchiadau digwyddiad o bwys lle gwyddys neu lle amheuir bod achos o gam-drin neu esgeuluso plentyn wedi digwydd.
Cynulleidfa: Children
Dyddiad ychwanegu: 15/10/19
Canllawiau Amlasiantaethol er mwyn Cefnogi Gweithwyr wedi’u heffeithio gan Ddigwyddiadau Tyngedfennol
Mae’r canllawiau amlasiantaethol hyn yn dangos ymrwymiad i ddarparu gwasanaeth rheoli straen digwyddiadau tyngedfennol yng ngogledd Cymru.
Cynulleidfa: Children, Adults
Dyddiad ychwanegu: 04/10/19
