Digwyddiadau a hyfforddiant

Ymunwch â’r Ganolfan arbenigedd ar gam-drin rhywiol plant (Canolfan CSA) ar gyfer y sioe deithiol Blaenoriaethu cam-drin rhywiol plant – a gynlluniwyd i feithrin hyder gweithwyr proffesiynol yng Ngogledd Cymru wrth nodi ac ymateb yn effeithiol i gam-drin rhywiol plant, a chefnogi plant a theuluoedd yn y ffordd orau.

Ewch i wefan Canolfan CSA i ddysgu mwy am ein gwaith, ac i gael mynediad at ein hymchwil a’n hadnoddau diweddaraf: https://www.csacentre.org.uk/

Pryd: 15ed Medi 2026 09:15 – 16:30 (Bydd cinio’n cael ei ddarparu)

Lle: Venue Cymru, Promenâd, Llandudno, LL30 1BB

I archebu lle, anfonwch e-bost at: CSARoadshow@denbighshire.gov.uk

Cwrs undydd i’r rhai sy’n dymuno bod yn Aelod Panel yn y broses SUSR.  Bydd y cwrs yn ymdrin â’r canlynol:

• Trosolwg o broses SUSR
• Beth mae bod yn aelod panel yn ei olygu
• Pa sgiliau, gwybodaeth a phrofiad sydd gen i?
• Pwrpas, swyddogaeth a thasgau penodol panel adolygu
• Graddfeydd amser
• Digwyddiadau Dysgu
• Cyswllt i Deuluoedd
• Ymarferion i weithio drwy senarios ac enghreifftiau
• Cyfle i gael trafodaethau aml asiantaeth i wella dealltwriaeth o gwblhau adolygiad a bod yn rhan o banel

04 Hydref 2026 09:30 – 16:30 Canolfan Fusnes Conwy

E-bostiwch: RegionalSafeguardingTraining@denbighshire.gov.uk

Fe fydd hi’n 12 mis ers i Fwrdd Diogelu Gogledd Cymru gyhoeddi’r Adolygiad Ymarfer Plant – Cyfiawnder trwy ein Dewrder.

Fe fydd Cadeirydd yr adolygiad, Jan Pickles OBE, yn trafod prif themâu’r adroddiad, ond bydd hefyd yn trafod datblygiadau ers i’r adolygiad gael ei gyhoeddi.

Dyddiad ac amser: 9 Tachwedd 09.30am – 11.30am                              

Lleoliad: Ar-lein ar MS Teams

I archebu, e-bostiwch: RegionalSafeguardingTraining@denbighshire.gov.uk

Fe fydd Val Owen (Y Bont) yn tynnu sylw at y prif themâu o adolygiadau ymarfer sydd wedi cael eu cyhoeddi yn y rhanbarth dros y tair blynedd diwethaf.

Mae Val wedi bod yn adolygwr ar gyfer nifer o adolygiadau ymarfer yng ngogledd Cymru.

Dyddiad ac amser: 9 Tachwedd  2pm – 4pm                               

Lleoliad: Ar-lein ar MS Teams

I archebu, e-bostiwch: RegionalSafeguardingTraining@denbighshire.gov.uk

Mae’r dyfarniad a gyhoeddwyd ar 2 Mehefin 2026 yn gwrthdroi ‘prawf eithaf’ Gorllewin Swydd Gaer ac yn creu ymagwedd a throthwy newydd ar gyfer pan ddaw cyfyngiadau yn achos o amddifadu o ryddid a fydd yn golygu gostyngiad sylweddol mewn achosion o Drefniadau Diogelu Wrth Golli Rhyddid. Mae’r achos hefyd yn newid ystyr cydsyniad yng nghyd-destun amddifadu o ryddid.  Bydd y briffio, a gyflwynir gan Laura Pritchard Jones, yn helpu cyfranogwyr i lywio’r farn hir a chymhleth hon, gan eu cynorthwyo i’w gymhwyso yn eu lleoliadau eu hunain.

Dyddiad ac amser: 9 Tachwedd 12pm  – 2pm                              

Lleoliad: Ar-lein ar MS Teams

I archebu, e-bostiwch: RegionalSafeguardingTraining@denbighshire.gov.uk

Dysgu o ymchwiliad pryderon am ddarparwr gyda’r Athro Michael Preston-Shoot

I nifer ohonoch sy’n gweithio ym maes ymarfer diogelu oedolion, ni fydd angen cyflwyno Michael, ond rhag ofn nad ydych chi’n gyfarwydd ag o, mae Michael yn Athro Emeritws Gwaith Cymdeithasol ym Mhrifysgol Bedford. Nid yw’r cyflwyniad byr hwn yn gwneud cyfiawnder â’r gwaith helaeth y mae wedi’i wneud yn datblygu ymarfer diogelu, cadeirio Byrddau Diogelu Oedolion, a chynnal Adolygiadau Diogelu Oedolion. Mae o wedi cyd-ysgrifennu rhifynnau cyntaf ac ail o ‘National Analysis of SARs’ ac mae o wedi cydweithio â Chymdeithas Llywodraeth Leol i lunio casgliadau a chanllawiau ar gyfer y sector. Peidiwch â methu’r cyfle i rannu yn y dysgu sydd ar gael.

Yn y sesiwn agored hon, bydd Michael yn rhannu’r dysgu o adroddiad a gyhoeddwyd gan West Sussex Safeguarding Adults Board o’r enw Response to Provider Learning Review (May 2025)

Mae’r adolygiad yn archwilio ymateb y system a’r hyn a ddysgwyd yn dilyn ymchwiliad mewn i adroddiadau o gamdriniaeth sefydliadol ac esgeulustod ar draws darparwr mawr o ofal preswyl a nyrsio yng ngorllewin Sussex, rhwng 2016 a 2019. Nid yw’r darparwr bellach yn gweithredu ac mae’r adroddiad yn archwilio’r newidiadau sydd wedi digwydd o ganlyniad i’r hyn a ddysgwyd ac mae’n nodi blaenoriaethau ar gyfer newid pellach yn lleol, yn rhanbarthol ac yn genedlaethol i atal ac ymateb i gamdriniaeth sefydliadol.

Mae’r argymhellion o’r adolygiad o bwys lleol a chenedlaethol.

Dyddiad ac amser: 10 Tachwedd 10.00am  – 11.30am                              

Lleoliad: Ar-lein ar MS Teams

I archebu, e-bostiwch: RegionalSafeguardingTraining@denbighshire.gov.uk

BAWSO

Caethwasiaeth Fodern a Masnachu Pobl yw’r ail fasnach anghyfreithlon fwyaf yn y byd. Mae’n ffenomenon sy’n peri pryder cynyddol ar draws y byd gyda chanlyniadau ofnadwy i ddioddefwyr. Mae dioddefwyr masnachu pobl yn destun gorfodaeth, camfanteisio, twyll, herwgipio, carcharu ar gam a threisio.

Mae adroddiadau diweddar wedi amlygu’r angen ar frys i godi ymwybyddiaeth y cyhoedd o fasnachu, gwella hyfforddiant er mwyn gallu adnabod dioddefwyr yn well a datblygu gwell cydweithrediad sefydliadol a gweithio aml asiantaeth – mae’r rhain i gyd yn hollbwysig yn y frwydr yn erbyn masnachu.

Bydd y sesiwn friffio yn archwilio gwahanol ymagweddau o ran mynd i’r afael â masnachu pobl; adnabod tueddiadau sy’n dod i’r amlwg a strategaethau i wella’r broses o adnabod pobl sydd wedi eu masnachu a’u cefnogi.

Dyddiad ac amser: 10 Tachwedd 1.30pm  – 3pm                              

Lleoliad: Ar-lein ar MS Teams

I archebu, e-bostiwch: RegionalSafeguardingTraining@denbighshire.gov.uk

Fe fydd BDGC a BIPBC yn cyflwyno sesiwn friffio am y gwaith sydd wedi cael ei wneud dros y flwyddyn ddiwethaf ers lansio ICON yn y rhanbarth.

Mae ICON yn rhaglen ataliol sy’n mynd i’r afael â Thrawma Camdriniol i’r Pen ymysg babanod a phlant ifanc drwy rannu negeseuon allweddol ar 5 adeg allweddol benodol ar y siwrnai o fagu plant bach, yn ymwneud â babanod yn crio.  Mae’r negeseuon hyn yn ffurfio’r acronym ICON:

I – Mae’n beth normal bod Baban (Infant) yn crio a bydd hynny’n dod i ben

C – Gall dulliau Cysuro (Comfort) fod o gymorth i dawelu’r babi

O – Mae’n Iawn (OK) cerdded i ffwrdd os yw pethau’n mynd yn drech na chi, ond gwnewch yn siŵr bod eich babi’n ddiogel

N – Peidiwch Byth (Never) ag ysgwyd neu frifo’ch babi na gadael i’ch rhwystredigaeth beri i chi fod yn frwnt gyda’ch babi

Dyddiad ac amser: 11 Tachwedd 1pm – 2pm                               

Lleoliad: Ar-lein ar MS Teams

I archebu, e-bostiwch: RegionalSafeguardingTraining@denbighshire.gov.uk

Nodwyd bod y defnydd o gartrefi plant heb eu cofrestru’n gysylltiedig â risgiau difrifol o niwed a chamfanteisio. Mae ymchwil gan Brifysgol Anglia Ruskin wedi dangos fod diffyg llywodraethu a safonau yn nifer o’r cartrefi hyn, sy’n gwneud plant yn arbennig o agored i niwed.

Dangosodd y canfyddiadau o’r ymchwil bod cymysgedd o ffactorau, yn cynnwys diffyg llywodraethu a safonau, bregusrwydd penodol plant, a lleoliad daearyddol y lleoliadau, wedi arwain at bobl ifanc yn wynebu risg difrifol o gamfanteisio a niwed.

Dan arweiniad Dr Paul Nelson a Dr Sarah Colley o Brifysgol Anglia Ruskin, bydd y sesiwn hon yn darparu trosolwg o’r canfyddiadau ymchwil allweddol.

Mae’r sesiwn hon yn addas ar gyfer cynrychiolwyr o asiantaethau partner, sefydliadau gwirfoddol a gweithwyr proffesiynol eraill sy’n ymwneud â gwaith diogelu. Mae croeso i chi rannu gyda’ch cydweithwyr.

Dyddiad ac amser: 11 Tachwedd 12.00pm  – 13.30 pm                              

Lleoliad: Ar-lein ar MS Teams

I archebu, e-bostiwch: RegionalSafeguardingTraining@denbighshire.gov.uk

Mae’r gweithdy hwn yn rhoi trosolwg o’r Gwasanaeth Datgelu a Gwahardd (GDG), gan edrych ar feini prawf gwiriad y GDG a chyfrifoldeb y sefydliad o ran gwneud atgyfeiriadau gwahardd.

Ymunwch â’r sesiwn awr o hyd hon, a gynhelir gan Owain Rowlands, Cynghorydd Allgymorth Rhanbarthol GDG Cymru.

Mae Owain yn gweithio gyda sefydliadau ledled Cymru, beth bynnag eu maint neu sector, er mwyn eu helpu i ddeall pwysigrwydd diogelu a rôl y GDG o ran recriwtio mwy diogel a rheoli’r gweithlu.

Bydd y gweithdy hwn yn cynnwys:

• Rôl y Gwasanaeth Datgelu a Gwahardd
• Diweddariadau ar gyfer y sawl sydd eisoes yn gyfarwydd â’r GDG
• Deall gwiriadau a chymhwysedd GDG, gan gynnwys lefel y gwiriad a’r gweithlu
• Beth yw gweithgaredd a reoleiddir
• Dyletswyddau a chyfrifoldebau sefydliad wrth wneud atgyfeiriadau i’r GDG
• Deall proses wahardd y GDG a’r goblygiadau sydd ynghlwm â chael eich rhoi ar un neu ddau o’r rhestrau gwaharddedig

Pwy ddylai fynychu?

Mae’r gweithdy hwn yn addas ar gyfer unrhyw un sydd â chyfrifoldeb am brosesau GDG a diogelu o fewn eu sefydliad, gan gynnwys:

• Unigolion sy’n pennu lefel y gwiriad GDG sydd ei angen
• Aelodau staff sydd ynghlwm â recriwtio
• Gweithwyr AD proffesiynol
• Rheolwyr unigolion sy’n gysylltiedig â gweithgareddau a reoleiddir
• Arweinwyr diogelu a’r rhai mewn swyddi ag ymddiriedaeth
• Ymddiriedolwyr
• Y rhai sydd ynghlwm â gwneud atgyfeiriadau i’r GDG

Dyddiad ac amser: 11 Tachwedd 14:00 – 15:00

Lleoliad: Ar-lein trwy MS Teams

I archebu lle, e-bostiwch: RegionalSafeguardingTraining@denbighshire.gov.uk

(Sylwch: Trwy archebu lle ar y sesiwn hon, rydych yn cytuno i’ch cyfeiriad e-bost gael ei rannu â chyfranogwyr eraill. Os nad ydych chi’n cytuno â hynny, dylech gysylltu gyda:   RegionalSafeguardingTraining@denbighshire.gov.uk )

Chwilfrydedd proffesiynol yw’r capasiti a sgil gyfathrebu i ymchwilio a deall beth sy’n digwydd o fewn teulu yn hytrach na gwneud tybiaethau neu dderbyn pethau fel y maent.

Bydd y gweithdy yn cyfeirio at ddysgu o adolygiadau ymarfer a hefyd yn  Ganllaw Chwilfrydedd Proffesiynol Bwrdd Diogelu Plant Gogledd Cymru.

Dydd Iau 12fed o Dachwedd 9.30am – 12pm Trwy Zoom

Hyfforddwr: Paul Jones

I gofrestru eich diddordeb i fynychu’r gweithdy yma – cysylltwch â: RegionalSafeguardingTraining@denbighshire.gov.uk

Dydd Iau 12 Tachwedd 2026 13:30 – 15:00 ar MS Teams

Bydd y sesiwn hon, a gynhelir gan y Ganolfan Genedlaethol Cydlynu Llinellau Sirol, yn rhoi trosolwg cryno o’r canlynol:

• Model cyflenwi cyffuriau Llinellau Sirol
• Camfanteisio ar blant ac oedolion diamddiffyn o fewn llinellau sirol
• Dangosyddion camfanteisio
• Ffactorau bregusrwydd y gallai troseddwyr geisio manteisio arnynt
• Astudiaethau achos
• Cyfeirio at adnoddau a chefnogaeth

Mae’r sesiwn hon yn addas ar gyfer cynrychiolwyr o’r heddlu, asiantaethau partner, sefydliadau gwirfoddol a gweithwyr proffesiynol eraill sy’n ymwneud â gwaith diogelu. Mae croeso i chi rannu gyda’ch cydweithwyr.

I archebu lle, anfonwch e-bost at: RegionalSafeguardingTraining@denbighshire.gov.uk

Gweithio gyda thadau ym maes amddiffyn plant: arferion da a dysgu o adolygiadau ymarfer. Mae methu ag ymgysylltu gyda thadau a ffigurau tadol i’w weld mewn ymchwil ac adolygiadau achos ers degawdau.

Mae BPGC yn cynnal gweithdy i ymarferwyr i gael gwell dealltwriaeth am ddysgu o adolygiadau ymarfer sy’n ymwneud ag ymgysylltu â thadau. Bydd y rhai’n bresennol hefyd yn dysgu argymhellion am arferion da i’w defnyddio wrth weithio gyda  thadau/ffigurau tadol.

Dydd Gwener 13eg o Dachwedd 9.30yb – 12yp Trwy Zoom

Hyfforddwr: Paul Jones

I gofrestru eich diddordeb i fynychu’r gweithdy yma – cysylltwch â: RegionalSafeguardingTraining@denbighshire.gov.uk