Mae Hyb Cymorth ACE yn falch o rannu adroddiad newydd gyda chi, ‘Trawma-hysbys’: Adnabod Iaith a Therminoleg Allweddol trwy Adolygiad o Lenyddiaeth’.
Roedd yn bleser gennym gydweithio â Phrifysgol Glyndŵr Wrecsam (WGU) i ddatblygu’r adnodd hanfodol hwn i danategu eu taith i fod yn Brifysgol sydd wedi’i llywio gan drawma ac ACE.
Mae adroddiad polisi ‘Adolygiad o Brofiadau Niweidiol yn ystod Plentyndod (ACE): Sut mae’r polisi ACE wedi perfformio a sut y gellir ei ddatblygu yn y dyfodol’, a gyhoeddwyd ym mis Mawrth 2021, yn nodi’r angen i ganolbwyntio ar yr hyn y mae angen i weithwyr proffesiynol, sefydliadau ac arbenigwyr ei wneud i droi gwybodaeth am ACEs yn ymarfer sy’n gwneud gwahaniaeth i fywydau pobl. Roedd yn cydnabod y symudiad tuag at ddefnyddio’r term ‘gwybodaeth trawma’ i ddisgrifio hyn; ond hefyd y diffyg eglurder ynghylch beth yn union y mae hyn yn ei olygu a sut mae hyn eisoes yn cael ei wreiddio mewn arfer a gwahanol ddulliau. Er mwyn mynd i’r afael â’r diffyg eglurder hwn’, mae’r adroddiad hwn yn darparu adolygiad cwmpasu o’r llenyddiaeth ryngwladol i archwilio sut mae’r term yn cael ei ddeall a’i ddefnyddio’n ymarferol. Mae hyn hefyd yn ymateb i egwyddorion y Dirprwy Weinidogion ar gyfer gwaith y Ganolfan ACE ar gyfer 2021-22, yn enwedig yr angen i fod yn ystyriol o’r iaith a ddefnyddiwn a’i heffaith.
