Mae’r cyfnod ymgynghori cyhoeddus 16 wythnos ar God Ymarfer y Ddeddf Galluedd Meddyliol a gweithredu’r Diogeliadau Amddiffyn Rhyddid wedi dechrau bellach.
Ynghyd â’r Cod Ymarfer, mae chwe set o reoliadau drafft wedi’u cyhoeddi – pedwar yn berthnasol i Loegr yn unig a dau yn berthnasol i Gymru a Lloegr. Mae’r rheoliadau’n ymwneud ag agweddau fel y chwe grŵp cymhwysedd a fydd yn gweithredu dan y Trefniadau Amddiffyn Rhyddid, gan gynnwys gofynion hyfforddiant ar gyfer y Gweithiwr Galluedd Meddyliol Proffesiynol Cymeradwy (AMCP) newydd, cyrsiau trosi ar gyfer Aseswyr Budd Pennaf a beth sy’n gwneud rhywun yn gymwys i gynnal asesiadau. Ni fydd yr ymgynghoriad hwn yn arwain at ailysgrifennu unrhyw rai o’r rheoliadau, dim ond y manylion polisi sy’n sail i’r rheoliadau. Mae Llywodraeth Cymru yn cynnal ymgynghoriad ar wahân ar agweddau penodol o ddyluniad y Trefniadau Amddiffyn Rhyddid yng Nghymru gan gynnwys is-ddeddfwriaeth.
